Վրաստանը զրկում է նախկին նախագահին պետական ​​անվտանգությունից․ ՏԱՍՍ

Վրաստանի խորհրդարանը երրորդ և վերջնական ընթերցմամբ լիագումար նիստում օրենք է ընդունել, որը նախագահին զրկելու է պետական ​​պաշտպանությունից՝ լիազորությունների ժամկետի ավարտից հետո, եթե Սահմանադրական դատարանը որոշի, որ նա խախտել է սահմանադրությունը այս պաշտոնում գտնվելու ժամանակ, փաստում է ՏԱՍՍ-ը։

Օրենքին կողմ է քվեարկել 85 պատգամավոր։ Դրա ընդունման համար անհրաժեշտ էր առնվազն 76 ձայն։ Փոփոխությունները կներառվեն «Պետական ​​անվտանգության հատուկ ծառայության մասին» օրենքում։

Գործող օրենսդրության համաձայն՝ Վրաստանի նախագահը, վարչապետը, ինչպես նաև խորհրդարանի նախագահը պաշտոնավարման ժամկետը լրանալուց հետո իրավունք ունեն օգտվել պետական ​​պաշտպանությունից ևս մեկ տարի։ Եթե ​​պարզվի, որ կոնկրետ նախկին պաշտոնատար անձին վտանգ է սպառնում, ապա պետական ​​պաշտպանության գործողության ժամկետը կարող է երկարաձգվել։