Վրաստանի նախագահը զրկվեց պետական պաշտպանությունից
Աշխարհ
«Վրացական երազանք» իշխող կուսակցությունը երրորդ ընթերցմամբ ընդունել է նախագահ Սալոմե Զուրաբիշվիլիին պետական պաշտպանությունից զրկելու մասին օրենսդրական փաթեթը։ Նշվում է՝ Զուրաբիշվիլին լիազորությունների ավարտին կզրկվի պետական պաշտպանության իրավունքից: Այս մասին հայտնում է aliq.ge-ն։
Օրենքի նախագծին կողմ են քվեարկել իշխող կուսակցության 85 պատգամավորները:
Հիշեցնենք, օրենքի նախագիծը խորհրդարանում «Վրացական երազանք»-ի ներկայացուցիչները նախաձեռնել են օրեր առաջ. օրենքի ընդունման դեպքում նախագահը, ինչպես նաև վարչապետն ու խորհրդարանի նախագահը, լիազորությունների դադարեցումից հետո, այլևս անձնական պաշտպանություն չեն ունենա, եթե Սահմանադրական դատարանը, համաձայն սահմանադրության 48-րդ հոդվածի, հաստատի հանցագործության նշանների առկայություն։
Նշենք նաև, որ անցյալ տարի Սահմանադրական դատարանը հաստատեց, որ նախագահ Սալոմե Զուրաբիշվիլին խախտել է Սահմանադրությունը։
«Վրացական երազանք»-ը դեկտեմբերի 14-ին կանցկացնի նախագահական ընտրություններ, իշխող ուժի նախագահի երդմնակալությունն Ամանորից առաջ է՝ դեկտեմբերի 29-ին։
Ամենադիտված 
ՀՀ ՊՆ–ն հայտարարություն է տարածել
