Վրաստանի վարչապետը հայտարարել է, որ նախագահ Զուրաբիշվիլին թոշակի է անցնելու

Վրաստանի նախագահ Սալոմե Զուրաբիշվիլին ստիպված կլինի թոշակի անցնել դեկտեմբերի 29-ին պետության նոր ղեկավարի երդմնակալությունից հետո՝ չնայած մնալու իր ցանկությանը։ Այդ մասին ադրբեջանական Real TV հեռուստաալիքին տված հարցազրույցում հայտարարել է Վրաստանի վարչապետ Իրակլի Կոբախիձեն, փոխանցում է ՏԱՍՍ–ը։

«Սալոմե Զուրաբիշվիլին, ցավոք, փորձեց վնասել մեր երկրի ազգային շահերին, հատկապես վերջին երեք տարիներին։ Սա տխուր երեւույթ է, երբ նախագահն ուղղակիորեն հակադրվում է սեփական երկրի ազգային շահերին, թեև, փառք Աստծո, Վրաստանը եղել և մնում է խորհրդարանական հանրապետություն։ Ըստ այդմ՝ նախագահը մեր երկրում շատ բան չի կարողացել փչացնել։ Նրա պաշտոնավարման ժամկետը վերջնականապես կլրանա դեկտեմբերի 29-ին, և, բնականաբար, նա պետք է գնա թոշակի»,- ասել է վարչապետը։