ՌԴ–ում հայտարարել են, որ Զուրաբիշվիլին քաղաքական սադրանք է նախապատրաստում

Վրաստանի նախագահ Սալոմե Զուրաբիշվիլին քաղաքական սադրանք է նախապատրաստում՝ հրաժարվելով ճանաչել Վրաստանի նախագահական ընտրությունների արդյունքները։ Այդ մասին Telegram-ի իր ալիքում հայտնել է ՌԴ Դաշնային խորհրդի տեղեկատվական քաղաքականության և ԶԼՄ-ների հետ փոխգործակցության հանձնաժողովի ղեկավար Ալեքսեյ Պուշկովը, գրում է Gazeta.ru–ն։

Սենատորի խոսքով՝ Զուրաբիշվիլին քաղաքական նպատակ ունի.

«Նա հասկանում է, որ վրացական իշխանությունները չեն կարող թույլ տալ երկիշխանություն և երկու նախագահների համակեցություն՝ պաշտոնապես նոր ընտրվածի և նախկինի, ով հրաժարվում է հեռանալ։ Դեկտեմբերի 29-ից հետո նա պաշտոնապես դադարում է լինել երկրի նախագահ»,- ասել է Պուշկովը։

Նա հավելել է, որ նախկին նախագահը հույս ունի, որ իրեն նախագահի պաշտոնից հեռացնելու փորձերը երկրում ընդդիմության բողոքի նոր ալիք կառաջացնեն, ինչը քաղաքական սադրանք է։