Քիմ Քարդաշյանը ցնցել է երկրպագուներին՝ հայտնելով, որ մասշտաբային սուրբծննդյան երեկույթ այս անգամ չի լինելու

Ամերիկացի հեռուստաաստղ և գործարար Քիմ Քարդաշյանը հայտնել է, որ այս տարի ամանորյա մեծ երեկույթներ չեն անցկացնելու։ Այս մասին հայտնում է Daily Mail-ը։

Նյու Յորքում Skims նոր խանութի բացման ժամանակ միլիարդատերը պատասխանել է լեգենդար երեկույթների մասին հարցին, որոնք Քարդաշյան-Ջեններ ընտանիքը կազմակերպում է ամեն տարի։ Պարզվել է, որ հայտնին այս անգամ հրաժարվել է մասշտաբային տոնակատարություն կազմակերպելուց։

Աստղի խոսքով՝ ընտանիքը որոշել է չեղարկել ավանդույթը վերանորոգման պատճառով։ «Այս տարի Սուրբ Ծննդյան նախօրեին շատ համեստ տոնակատարություն ենք կազմակերպում, քանի որ մեզ մոտ շինարարություններ են կատարվում: Մենք անցկացրել ենք բազմաթիվ լեգենդար տոնակատարություններ և կշարունակենք դա անել: Բացի այդ, մեր երեխաները սիրում են դրանք, այն հրաշալի ավանդույթ է»,- ասել է հայտնին։

Սակայն երկրպագուները կարծում են, որ իրականում Քարդաշյանները որոշել են գումար խնայել խնջույքի վրա, ինչի մասին սկսել են գրել սոցիալական ցանցերում։ Ինքը՝ հեռուստաաստղը, չի մեկնաբանել նման լուրերը։