Գերմանիայի խորհրդարանի երկու պատգամավորներ կասկածվում են Ադրբեջանից կաշառք ստանալու մեջ

Մյունխենի բարձրագույն շրջանային դատարանը հաստատել է Բունդեսթագի նախկին Քրիստոնեա-սոցիալական միության պատգամավոր Էդուարդ Լինթների և նրա Քրիստոնեա-դեմոկրատական ​​միության գործընկեր Ակսել Ֆիշերի դեմ մեղադրանքները։ Դրա մասին գրում է Münchner Merkur պարբերականը։

Նրանց կասկածում են կաշառակերության և կոռուպցիայի մեջ, մասնավորապես, որ Բաքվից գումար են ստացել՝ Ադրբեջանի ավտորիտար ռեժիմի կերպարը սպիտակեցնելու նպատակով։

Դատախազության տվյալներով՝ նրանք գումարներ են ստացել՝ Եվրոպայի խորհրդի խորհրդարանական վեհաժողովում (ԵԽԽՎ) հօգուտ Ադրբեջանի որոշումների վրա ազդելու համար։

Լինթները ԵԽԽՎ-ում աշխատել է մինչև 2010 թվականը և, ըստ քննիչների, մինչև 2016 թվականը «բազմամիլիոն դոլարներ է ստացել  օտարերկրյա ընկերություններից»: Հաղորդվում է, որ նա գումարի մի մասն ուղարկել է այլ պատգամավորների, որոնք պետք է ազդեին Ադրբեջանի շահերից բխող որոշումների վրա։

Ըստ քննիչների՝ նա դրական ելույթներ է ունեցել հօգուտ Ադրբեջանի և գաղտնի փաստաթղթեր ուղարկել։ Հաղորդվում է, որ դրա համար նա 21 հազար 800 եվրո կաշառք է ստացել:

Բունդեսթագի պատգամավորների դատավարությունը կսկսվի հունվարի 16-ին։