Գործադուլը կխախտի Ֆրանսիայում թռիչքների չվացուցակը. Le Figaro

Ֆրանսիայում ավիադիսպետչերների գործադուլը երեքշաբթի կհանգեցնի թռիչքների չեղարկման և հետաձգման, երկուշաբթի օրը հաղորդել է Le Figaro-ն, փոխանցում է Euromedia24-ը։

 

Այսպիսով, երեքշաբթի օրը Մոնպելյե-Միջերկրական օդանավակայանը, Նիմի և Պերպինյանի օդանավակայանները կչեղարկեն բոլոր չվերթները։Կորսիկայի Ajaccio Napoleon Bonaparte օդանավակայանից թռիչքները նույնպես կհետաձգվեն։

 

Լիոնի Սենտ-Էքզյուպերի օդանավակայանը երեքշաբթի օրը տեղական ժամանակով ժամը 6:00-23:00 կչեղարկի թռիչքների 60%-ը:

 

Ֆրանսիայի Քաղաքացիական ավիացիայի գլխավոր տնօրինությունը ուղևորներին կոչ է արել ստուգել իրենց թռիչքների կարգավիճակը և հնարավորության դեպքում փոխել իրենց ուղևորությունները:

 

Ֆրանսիայի ավիադիսպետչերների արհմիությունը ավելի վաղ գործադուլի կոչ էր արել օդանավակայանների «վատ կազմակերպվածության» պատճառով։