Ալիևը հայտարարել է՝ «Հայաստանը պետք է փոխի սահմանադրությունը»
Արտաքին Քաղաքական
Նախքան Ադրբեջանի հետ խաղաղության պայմանագիր ստորագրելը` Հայաստանը պետք է փոխի սահմանադրությունը և համաձայնի ԵԱՀԿ Մինսկի խմբի լուծարմանը, VGTRK-ին և RIA Novosti-ին տված հարցազրույցում ասել է Ադրբեջանի նախագահ Իլհամ Ալիևը։
«Եվս երկու կետ, որ հայկական կողմը պետք է անի. առաջինը՝ փոխել իր սահմանադրությունը, քանի որ սահմանադրության մեջ հիշատակվում է անկախության հռչակագիրը, որն իր հերթին տարածքային պահանջներ է պարունակում Ադրբեջանի դեմ, որտեղ Լեռնային Ղարաբաղը հայտարարված է Հայաստանի մաս։ Ուստի, սահմանադրության փոփոխությունը մեր քմահաճույքը չէ։ Դրանք ուղղակի օբյեկտիվ պայմաններ են»,- ասել է Ալիևը։
Բաքվի երկրորդ պայմանը, ըստ Ալիևի, ԵԱՀԿ Մինսկի խմբի լուծարումն է։
«Քանի որ այս հարցը լուծվում է կոնսենսուսով, դա ֆորմալ առումով անհնար է անել՝ առանց Հայաստանի համաձայնության, թեև ԵԱՀԿ Մինսկի խումբը վաղուց չի գործում, բայց մեր հարցն այն է, որ եթե Հայաստանը ճանաչի Ղարաբաղը Ադրբեջանի մաս, իսկ Մինսկի խումբը ստեղծվել է Ղարաբաղի հարցի լուծման համար, այդ դեպքում ինչի՞ համար է Հայաստանի դժկամությունը՝ ԵԱՀԿ Մինսկի խումբը լուծարելու հարցում»,- ասել է Ալիևը։
ՈՒՂԻՂ ԵԹԵՐ
Ամենադիտված 
Պարզվել է Աջափնյակում զինված միջադեպի հետևանքով մահացածի և 7 վիրավորների ինքնությունը 
