Էրդողանն ու Մակրոնը հեռախոսազրույց են ունեցել

Թուրքիայի նախագահ Ռեջեփ Թայիփ Էրդողանն ու Ֆրանսիայի նախագահ Էմանուել Մակրոնը հեռախոսազրույց են ունեցել։ Նրանք քննարկել են տարածաշրջանային և գլոբալ հարցեր, հաղորդում են ադրբեջանական ԶԼՄ-ները։

«Կողմերը քննարկել են Թուրքիայի և Ֆրանսիայի միջև երկկողմ հարաբերությունները, ինչպես նաև տարածաշրջանային և գլոբալ օրակարգի հարցեր։ Էրդողանն ընդգծել է Սիրիայի տարածքային ամբողջականության և ինքնիշխանության պաշտպանության կարևորությունը»,- ասվում է հաղորդագրության մեջ։