Թուրքիայի խորհրդարանի նախագահը հայտարարել է՝ «Զանգեզուրի միջանցքը» դառնալու է համագործակցության և անվտանգության միջանցք
Արտաքին Քաղաքական
«Զանգեզուրի միջանցքը» կդառնա համագործակցության և անվտանգության միջանցք ոչ միայն տարածաշրջանի, այլ նաև արտատարածաշրջանային այլ պետությունների համար։
Այս մասին այսօր Անկարայում Ադրբեջանի Միլլի Մեջլիսի նախագահ Սահիբա Գաֆարովայի հետ համատեղ ասուլիսում հայտարարել է Թուրքիայի խորհրդարանի նախագահ Նուման Քուրթուլմուշը, գրում է Zerkalo-ն։
«Անկարան հույս ունի «Զանգեզուրի միջանցք» նախագծի շուտափույթ իրականացման վրա, որը կդառնա համաշխարհային առևտրի կարևոր տարանցիկ կետ: Մենք կշարունակենք Ադրբեջանին ցուցաբերել համապարփակ աջակցություն այս նախագծի շրջանակներում»,- ասել է նա։
Քուրթուլմուշի խոսքով՝ այսպես կոչված, «Զանգեզուրի միջանցքի» բացումը համապատասխանում է ոչ միայն Թուրքիայի ու Ադրբեջանի, այլև տարածաշրջանի բոլոր երկրների շահերին։
«Հույս ունենք, որ «Զանգեզուրի միջանցքը» կդառնա խաղաղության միջանցք։ Թուրքիան և Ադրբեջանը բոլոր ջանքերը գործադրում են տարածաշրջանում խաղաղության և կայունության հասնելու համար»,- հայտարարել է Թուրքիայի խորհրդարանի նախագահը։
Ամենադիտված 
-20․ ձյան տեսքով տեղումներ են սպասվում․ օդի ջերմաստիճանը կնվազի
