43 շենքի բնակիչ այս տարի իրենց գույքահարկը տվել են, որ Ավինյանը թռչի Լոս Անջելես․ Մարության
ՔաղաքականFactor TV-ի տաղավարում Երևանի քաղաքապետ Տիգրան Ավինյանի հետ բանավեճի ժամանակ նախկին քաղաքապետ Հայկ Մարությանը հայտարարեց, որ քաղաքային իշխանությունները նաև այլ տեղից են «քերում»՝ բարձրացնելով գույքահարկը։
Նրա խոսքով՝ 2021 թվականին, երբ ինքը քաղաքապետ էր, 6 միլիարդ 475 միլիոն էր, իսկ շարժական գույքը՝ 12․1 մլրդ, իսկ 2024 թ․ գույքահարկը կազմել է 13 մլրդ 449 մլն դրամ, իսկ շարժականը՝ 13,295 մլրդ դրամ։
Մարությանը շեշտեց՝ 8․1 մլրդ դրամ այս տարի ավելի շատ գույքահարկ է հավաքվել, քան 2021 թ։
«2025 թ․ ավելի է հավաքվելու 14․ 92 մլրդ, իսկ 2026 թ․ 20 մլրդ դրամ ավելի՝ քերելով ձեզանից, սիրելի քաղաքացիներ»,- շեշտեց Մարությանը։
«Այս ընթացքում պարոն Ավինյանն իր համար գնել է Mercedes մեքենա ընդամենը 32 միլիոն 987 հազարով։ Դուք Ձեր գումարներով այդպիսի մեքենա կգնեի՞ք։ Եվ ամենակարևորը՝ մի քանի օր առաջ Լոս Անջելես է մեկնել պարոն Ավինյանը, միայն ինքը բիզնես կլասսի տոմսի համար ծախսել է 7 մլն․ 650 հազար դրամ։ 43 շենքի բնակիչ այս տարի իրենց գույքահարկը տվել են, որ պարոն Ավինյանը թռչի Լոս Անջելես հարմար նստարանում: Պարոն Ավինյան, մինչև Ձեր պաշտոնական կյանքը երբևիցե 20 հազար դոլար տոմսի գին տվե՞լ էիք»,- ասաց Մարությանը։
ՈՒՂԻՂ ԵԹԵՐ
Ամենադիտված 
Այսօր մեր ընտանիքին բաժին հասավ ամենածանր կորուստը
