Պենտագոնը մեղադրել է Չինաստանին Ռուսաստանի հետ կապերն ամրապնդելու մեջ

Չինաստանը զարգացնում է իր միջուկային ուժերը և ամրապնդում է կապերը Ռուսաստանի հետ։ Նման մեղադրանք է ներկայացրել ԱՄՆ պաշտպանության նախարարությունն իր պաշտոնական զեկույցում, գրում է Lenta–ն։

Փաստաթղթում ասվում է, որ Չինաստանն աջակցում է Ուկրաինայում Ռուսաստանի հատուկ գործողությանը և իբր նրան վաճառել է երկակի նշանակության ապրանքներ, որոնք կարող են օգտագործվել ինչպես խաղաղ, այնպես էլ ռազմական նպատակներով։

Պենտագոնի զեկույցի համաձայն՝ 2024 թվականի մայիսի դրությամբ Չինաստանն ուներ ավելի քան 600 գործող միջուկային մարտագլխիկներ։ ԱՄՆ-ն ակնկալում է, որ մինչև 2030 թվականը դրանց թիվը կլինի ավելի քան հազար։ Բացի այդ, գերատեսչությունը հայտնել է, որ Չինաստանը արդիականացրել է իր անօդաչու թռչող սարքերը, որոնք «արագորեն մոտենում են ԱՄՆ չափանիշներին»։