ՀՀ-ԵՄ հարաբերությունների առավել խորացման առումով անցնող տարին հաջողված էր. ԵՄ դեսպան
Արտաքին Քաղաքական
Ազգային ժողովի եվրոպական ինտեգրման հարցերի մշտական հանձնաժողովի պատգամավորները հանդիպել են Հայաստանում Եվրոպական միության պատվիրակության ղեկավար Վասիլիս Մարագոսի եւ վերջինիս տեղակալ Յան Պլեշինգերի հետ: Այս մասին հայտնում են ՀՀ ԱԺ–ից։
Դեկտեմբերի 18-ին կայացած հանդիպմանը քննարկվել են Հայաստան-ԵՄ հարաբերությունների զարգացմանը, տարբեր ոլորտներում համագործակցության խորացմանն առնչվող հարցեր:
Վասիլիս Մարագոսը ներկայացրել է Եվրոպական միության աջակցությամբ Հայաստանում տարբեր ոլորտներում իրականացվող ծրագրերը, բյուջետային աջակցության ծրագրերին համահունչ բարեփոխումները, ինչպես նաեւ գալիք տարվա համար նախանշված նախագծերը: Հայ խորհրդարանականներն իրենց հերթին արժեւորել են ՀՀ-ԵՄ համագործակցությունը, ընդգծել ԵՄ օժանդակությամբ իրականացվող ծրագրերի արդյունավետությունը: Հանձնաժողովն առաջիկայում այցեր է նախատեսում ՀՀ մարզեր՝ այդ ծրագրերի ընթացքին հետեւելու նպատակով:
Վասիլիս Մարագոսի գնահատմամբ ՀՀ-ԵՄ հարաբերությունների առավել խորացման առումով անցնող տարին հաջողված էր. բոլոր թիրախները հասցեագրվել են, գրանցվել են նոր ձեռքբերումներ, որոնցից մեկը Եվրոպական խաղաղության գործիքն է: Ընդգծվել է ԵՄ դիտորդական առաքելության գործունեության կարեւորությունը Հայաստանում:
Անդրադարձ է եղել Հայաստան-ԵՄ համագործակցության շրջանակում տնտեսական, ճանապարհատրանսպորտային ոլորտներում համագործակցության խթանման հեռանկարներին, ԵՄ-ի հետ վիզաների ազատականացման երկխոսության գործընթացին: Վասիլիս Մարագոսը ԵՄ մուտքի արտոնագրերի ազատականացումը համարել է կարեւոր քայլ ՀՀ քաղաքացիների համար եւ կարեւորել այս հարցի հնարավորինս արագ կյանքի կոչումը:
ՈՒՂԻՂ ԵԹԵՐ
Ամենադիտված 
Ես տրամադրված եմ լքել ԱՄՆ–ն, Հայաստանը մեր ձեռքից գնում է․ Վարդան Ղուկասյան
