Ուկրաինայում խաղաղապահների հարցը պետք է քննարկեն ՆԱՏՕ-ի բոլոր երկրները. Յոհանիս
Աշխարհ
Ռումինիայի նախագահ Կլաուս Յոհանիսը կարծում է, որ Ուկրաինա եվրոպական զորքեր ուղարկելու բարդ հարցը չպետք է քննարկվի երկրների նեղ շրջանակի կողմից։ Այս մասին նա հայտարարել է ԵՄ-Արևմտյան Բալկաններ գագաթնաժողովի մեկնարկից առաջ Բրյուսելում կայացած մամուլի ասուլիսում՝ պատասխանելով լրագրողների հարցին։ Ասուլիսի սղագրությունը տեղադրվել է նախագահի աշխատակազմի կայքում, գրում է Euromedia24-ը։
Լրագրողը նախագահին հարցրել է, թե ինչո՞ւ Ռումինիան չի մասնակցում ՆԱՏՕ-ի գլխավոր քարտուղար Մարկ Ռյուտեի և Վլադիմիր Զելենսկու հանդիպմանը, ինչպես նաև Մեծ Բրիտանիայի, Իտալիայի, Լեհաստանի և Ֆրանսիայի ղեկավարների հետ հանդիպմանը, որտեղ քննարկվելու է, մասնավորապես, Ուկրաինա եվրոպական զորքեր ուղարկելու հարցը, և ինչպիսի՞ն է Ռումինիայի դիրքորոշումն այս հարցում։
«Զորքեր ուղարկելու հարցը ինձ հետ չի քննարկվել, ուստի ես չեմ կարող որևէ կարծիք հայտնել։ Եթե այդ հարցը առաջանա Եվրոպական խորհրդի կամ ՆԱՏՕ-ի մակարդակով «բոլոր» ձևաչափով, ապա Ռումինիան կարտահայտի իր կարծիքը։ Սա չափազանց բարդ խնդիր է արտասովոր ծանրությամբ»,-ասել է Յոհանիսը։
Ռումինիայի նախագահը նշել է, որ իմացել է հանդիպման մասին ի սկզբանե։
«Ես չգիտեմ, թե ով է գումարել, այն պետություննե՞րը, որոնք հավաքվել են։ Սա ինձ մի փոքր անսովոր է թվում, մենք ՆԱՏՕ-ում աշխատում ենք կոնսենսուսի հիման վրա, և ոչ խմբերով կամ շրջանակներով, չեմ կարծում, որ լավ լուծում է այս բարդ հարցերը խմբերով քննարկելը»,-ասել է նախագահը։
Ամենադիտված 
-20․ ձյան տեսքով տեղումներ են սպասվում․ օդի ջերմաստիճանը կնվազի
