Պատերազմի դաշտում իրավիճակը կտրուկ փոխվում է. Պուտին

Իրավիճակը պատերազմի դաշտում կտրուկ փոխվում է։ Այս մասին ասուլիսի ժամանակ ասել է ՌԴ նախագահ Վլադիմիր Պուտինը։

«Փոփոխությունը տեղի է ունենում ամբողջ ճակատային գծի երկայնքով։ Մենք չենք խոսում 100, 200, 500 մետր տարածքի առաջխաղացման մասին։ Ուզում եմ ընդգծել՝ սա ամեն օր է տեղի ունենում»,-ասել է Պուտինը։

Նրա խոսքով, նման հաջողությունները բացատրվում են առաջին հերթին նրանով, որ անցյալ տարի հակառակորդը ձեռնարկել է անհաջող հարձակողական փորձեր և կրել տեխնիկայի և կենդանի ուժի ահռելի վնաս։ Հետո ռուսական բանակն ինքը սկսել է առաջ շարժվել։ «Մարտական ​​գործողությունները բարդ բան են, ուստի դժվար է նախապես կանխատեսել, բայց Ռուսաստանի Դաշնությունը գնում է իր առաջնային խնդիրների լուծմանը»,-վստահեցրել է Պուտինը։ Անդրադառնալով Կուրսկի շրջանում տիրող իրավիճակին՝ ՌԴ նախագահն ընդգծել է, որ պատկերացում ունի ժամկետների մասին, թե երբ են այնտեղից դուրս մղվելու Ուկրաինայի զինված ուժերը, սակայն կոնկրետ ժամկետներ նա չի կարող նշել։

«Տղաները կռվում են, հիմա կռիվ է ընթանում, մենք նրանց անպայման նոկաուտի կենթարկենք, բայց կոնկրետ ժամկետի մասին չեմ կարող ասել, թեև պատկերացնում եմ, որ ծրագրեր կան», - ասել է Պուտինը։