Գյումրիում ՔՊ-ն վարկանիշի խնդիր չունի․ Դավիթ Առուշանյան (տեսանյութ)

«Մուշեղ Մուրադյանն աշխատանքից ազատվել է իր դիմումի համաձայն»,- այս մասին կառավարության այսօրվա նիստից հետո լրագրողներին հետ զրույցում ասաց Շիրակի նորանշանակ մարզպետ Դավիթ Առուշանյանը՝ անդրադառնալով հարցին, թե ինչո՞ւ աշխատանքից ազատվեց նախկին մարզպետ Մուշեղ Մուրադյանը։

Ինչ վերաբերում է պաշտոնանկությունների պատճառների մասին հանրությանը տեղյակ պահելու հարցին, ապա Առուշանյանը նշեց, թե իրենք մշտապես հաշվետու են հանրությանը. «Պարոն Մուրադյանն աշխատանքից դուրս է եկել իր դիմումի համաձայն, ինքը պետք է մեկնաբանի, գուցե անձնական հարցեր ունի։ Եթե կառավարությունն ազատած լիներ, ապա ինքը պետք է մեկնաբաներ»,- հավելեց նա։

Անդրադառնալով Գյումրիի համայնքապետի պաշտոնակատար Սարիկ Մինասյանին` Առուշանյանը նշեց. «Ես և Սարիկ Մինասյանը մինչ այս էլ մտերիմ հարաբերությունների մեջ ենք եղել, շատ ուրախ եմ, որ պարոն Մինասյանն է ընտրվել Գյումրիի համայնքապետի պաշտոնակատար»,- եզրափակեց Շիրակի նորանշանակ մարզպետը:

Մանրամասները` տեսանյութում