2025թ-ից Ուկրաինային ահռելի քանակությամբ անօդաչու սարքեր են մատակարարվելու․ Անօդաչուների կոալիցիա

Այն երկրները, որոնք Ramstein ձևաչափի շրջանակներում միավորվել են անօդաչուների կոալիցիայի և ծովային նախաձեռնության մեջ, հունվարից սկսելու են Ուկրաինային մատակարարել տարբեր տեսակի անօդաչու սարքեր՝ մեծ քանակությամբ։ Այս մասին հայտարարել է Մեծ Բրիտանիայի պաշտպանության փոխնախարար Լյուկ Փոլարդը։ Նա նշել է, որ Միացյալ Թագավորությունը շարունակում է համագործակցել իր դաշնակիցների հետ՝ Ուկրաինային զենքի մատակարարման տեմպերն ավելացնելու համար, հայտնում է FREEDOM-ը։

«Ես կարող եմ հաստատել, որ զգալի փոփոխություն է սպասվում հունվարին․ մենք սկսելու ենք մատակարարել տասնյակ հազարավոր անօդաչու թռչող սարքեր Միացյալ Թագավորության գլխավորած ծովային և անօդաչու կոալիցիաների միջոցով՝ մեր գործընկեր Նորվեգիայի և Լատվիայի հետ միասին», - ասել է Միացյալ Թագավորության պաշտպանության փոխնախարար Լյուկ Փոլարդը։