Հնդկաստանում ավտովթարի հետևանքով՝ առնվազն հինգ մարդ է զոհվել

Հնդկաստանի արևմտյան Ռաջաստան նահանգում առնվազն հինգ մարդ զոհվել, 35-ը այրվածքներ է ստացել, երբ վառելիքի ցիստեռնը բախվել է այլ ավտոմեքենաների, որի արդյունքում՝ հրդեհ է բռնկվել։ Այս մասին հայտնում է Press Trust of India-ն։

Միջադեպը տեղի է ունեցել Ջայպուր-Աջմեր ազգային մայրուղու վրա՝ դեկտեմբերի 20-ի գիշերը։

Վթարի վայր է ժամանել շտապօգնության 25 ավտոմեքենա։ Բոլոր տուժածները տեղափոխվել են տեղի հիվանդանոցի վերակենդանացման բաժանմունք։

Բախումից տուժել է ավտոճանապարհի 300 մետրանոց հատվածը, որտեղ շարունակում է այրվել մոտ 40 ավտոմեքենա։