Թուրքական բանակը Հյուսիսային Իրաքում սպանել է PKK-ի 11 զինյալի

Թուրքական բանակը Հյուսիսային Իրաքում ոչնչացրել է Քրդստանի աշխատավորական կուսակցության (PKK, Թուրքիայում արգելված և ահաբեկչական ճանաչված) 11 գրոհայինների, հայտնում է Euromedia24-ը։

 

«Հյուսիսային Իրաքում օդային գործողության արդյունքում ոչնչացվել է PKK-ի հայտնաբերված 11 ահաբեկիչ»,- ասվում է հանրապետության պաշտպանության նախարարության հայտարարության մեջ։

 

Թուրքիայի և PKK-ի միջև հակամարտությունը շարունակվում է 1984 թվականից։ Թուրքական իշխանությունները PKK-ն համարում են սպառնալիք ազգային անվտանգության համար և պարբերաբար հարձակումներ են իրականացնում նրա կողմնակիցների դեմ Հյուսիսային Սիրիայում և Իրաքում։