Անգլոսաքսերը Ուկրաինայի ձեռքով կրակից շագանակներ են հանում․ պատերազմի հակառակ կողմը՝ ըստ Հայկ Նահապետյանի (տեսանյութ)

Արևմուտքի նպատակը Ռուսաստանում իշխանափոխություն իրականացնելն է: Euromedia24tv-ի հետ զրույցում նման տեսակետ հայտնեց ռազմական փորձագետ Հայկ Նահապետյանը` անդրադառնալով երեկ Ռուսաստանի կողմից Ուկրաինայի մայրաքաղաք Կիևը հրթիռակոծելու դեպքին:   

«Ուկրանիայում պատերազմը, ըստ ստրատեգների, պետք է բերեր` Ռուսաստանի տնտեսության կոլապսի, միլիոնավոր զոհեր և վիրավորներ, որոնք սոցիալական լուրջ դժգոհություններ կառաջացնեին և մարդիկ փողոց դուրս կգային: ԱՄՆ-ի նպատակն է` ժամ առաջ կանգնեցնել պատերազմը, Ռուսաստանի հետ համագործակցությունը և Չինաստանին տնտեսապես ծնկի բերելը»,- նշեց Նահապետյանը:

Նրա խոսքով` մինչև հունվարի 20-ը ԱՄՆ-ի ներկայիս վարչակազմը` գլոբալիստների իշխանությունն ի դեմս Բայդենի, ամեն ինչ անելու է, որ լինի բախում Ռուսաստանի և ԱՄՆ-ի միջև, իսկ թե ինչ ձևով և որտեղ դա արդեն տեխնիկական հարց է: 

«Հետևություն, որ մինչև հունվարի 20-ը ծանր օրեր են սպասվում և չեմ բացառում, որ այդ հրթիռակոծությունը կարող է բախում առաջացնել նաև հարավային Կովկասում, հայ-ադրբեջանական շփման գծում»,- ընդգծեց ռազմական փորձագետը:

Սոնա Հարությունյան