Երևան-Գյումրի ճանապարհին մեքենաներ են բախվել, «BMW»-ն բռնկվել է

Դեկտեմբերի 20-ին, ժամը 12։09-ին Արագածոտնի մարզային փրկարարական վարչության ճգնաժամային կառավարման կենտրոն տեղեկություն է ստացվել, որ Աշնակ գյուղի խաչմերուկում տեղի է ունեցել ՃՏՊ՝ հրդեհի բռնկմամբ: Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ:

Փրկարար ծառայության հաղորդմամբ, պարզվել է, որ Երևան-Գյումրի ավտոճանապարհի 63-րդ կմ-ին բախվել են «BMW» (վարորդ՝ Ս․ Մ․, ծնված 1960 թ․) և «Mercedes-Benz» (վարորդ` Գ. Ի., ծնված 1983 թ․) մակնիշների ավտոմեքենաները․ «BMW» մակնիշի ավտոմեքենան բռնկվել է, տուժածներ չկան։

Հրդեհը մեկուսացվել է ժամը 12։28-ին, մարվել՝ 12։43-ին։ Այրվել է ավտոմեքենան։