Թուրքիան ազատվում է «Գազպրոմբանկի» պատժամիջոցներից․ ԱՄՆ էներգետիկայի նախարար

ԱՄՆ-ն Թուրքիային ազատել է ռուսական «Գազպրոմբանկի» նկատմամբ պատժամիջոցներից, որպեսզի նա կարողանա շարունակել վճարել գազի ներկրման համար, Bloomberg-ին ասել է Թուրքիայի էներգետիկայի նախարարը, հայտնում է The Moscow Times-ը։

Վաշինգտոնը նոյեմբերին պատժամիջոցներ էր կիրառել տասնյակ ռուսական բանկերի նկատմամբ, այդ թվում՝ Գազպրոմբանկի, որը 2022 թվականի մարտից ի վեր միակ բանկն էր, որ երկիրները կարող էին օգտագործել ռուսական գազի մատակարարումները վճարելու համար։ Խոչընդոտին ի պատասխան՝ Պուտինը հրաման է ստորագրել, որով օտարերկրյա գնորդներին թույլատրվում է գազի դիմաց վճարել ռուսական այլ բանկերից մինչև 2025 թվականի ապրիլը։

Ըստ ԱՄՆ իշխանությունների՝ «Գազպրոմբանկը» հեշտացրել է զինվորների համար վճարումները, ներառյալ մարտական ​​բոնուսները, և հնարավորություն է տվել Ռուսաստանին ռազմական տեխնիկա գնել Ուկրաինայում պատերազմի համար։ Այլ երկրներ, այդ թվում՝ Ավստրալիան, Կանադան, Նոր Զելանդիան և Մեծ Բրիտանիան ավելի վաղ պատժամիջոցներ էին կիրառել բանկի նկատմամբ:

Թուրքիայի էներգետիկայի նախարար Ալփարսլան Բայրաքթարը հայտարարել է, որ իր երկիրը բացառություն է ստացել Գազպրոմբանկի նկատմամբ Վաշինգտոնի պատժամիջոցներից՝ ամերիկացի պաշտոնյաների հետ բանակցություններից հետո։