Պակիստանում ահաբեկչությունը մի-քանի մարդու մահվան պատճառ է դարձել

Պակիստանի պաշտոնյաները շաբաթ օրը հայտնել են, որ մահապարտ-ահաբեկիչը թիրախավորել է անվտանգության անցակետը Աֆղանստանի հետ սահմանի մերձակայքում գտնվող անկայուն շրջանում, ինչի հետևանքով զոհվել է առնվազն ութ մարդ, ևս մի քանիսը վիրավորվել են, փոխանցում է Voa News-ը։

Հարձակումը տեղի է ունեցել Պակիստանի Հյուսիսային Վազիրիստան շրջանի Միր Ալի քաղաքում: Նշվում է, որ զոհվածների թվում կա առնվազն երկու զինվոր, չորս ոստիկան և երկու քաղաքացիական անձ:

Տարածքի անվտանգության մի քանի աշխատակիցներ հաստատել են զոհերի մասին՝ հայտնելով, որ ռմբակոծիչը պայթուցիկով լցված մոտոցիկլետով ռիկշա է պայթեցրել անցակետում:

Պայթյունի հետևանքով վիրավորվել են նաև անվտանգության հինգ աշխատակիցներ, ոմանց վիճակը գնահատել են տեղական հիվանդանոցները ծանր:

Հաղորդվում է, որ մահաբեր պայթյունի պատասխանատվությունը պատկանում է արգելված «Թեհրիկ-ի-Թալիբան Պակիստան» խմբավորմանը կամ TTP-ի դաշնակից զինյալներին: