Մագդեբուրգում ահաբեկչությունից հետո ցուցարարները պահանջում են արտաքսել միգրանտներին (տեսանյութ)

Գերմանիայի Մագդեբուրգ քաղաքում մի քանի հարյուր մարդ մասնակցել է անօրինական միգրանտներին արտաքսելու պահանջով ցույցին։ Բողոքի ակցիան տեղի է ունեցել քաղաքի կենտրոնում սուրբծննդյան տոնավաճառում տեղի ունեցած ահաբեկչությունից հետո, հայտնում է DPA-ն։

ՏԱՍՍ–ի փոխանցմամբ՝ մասնակիցները, մասնավորապես, «Ռեմիգրացիա» մակագրությամբ պաստառներ են պահել, ոմանք բղավել են նեոնացիստական ​​կարգախոսներ։ Հանրահավաքին մասնակցել են Գերմանիայում հայտնի աջ արմատականները։

Bild թերթի տվյալներով՝ ցույցին մասնակցել է ավելի քան 700 մարդ։ Նրանք վանկարկել են՝ «Արտաքսել, արտաքսել, արտաքսել», «Դիմադրություն»։ Ցույցի մասնակիցները հայտարարել են, որ «միգրացիան սպանում է», և որ «նրանք, ովքեր չեն սիրում Գերմանիան, թող լքեն այն»։ Ցույցի ընթացքում ոստիկանները բերման են ենթարկել մեկ անձի։