«Ես հաճախ եմ Զելենսկիին ասել, որ դադարեցնի Օլաֆ Շոլցին քննադատելը»․ Ռյուտե
Աշխարհ
ՆԱՏՕ-ի գլխավոր քարտուղար Մարկ Ռյուտեն պնդում է, որ ինքը բազմիցս խնդրել է Զելենսկիին դադարեցնել բացահայտ քննադատությունը Գերմանիայի կանցլեր Օլաֆ Շոլցին՝ Կիևին Taurus թեւավոր հրթիռներ մատակարարելուց հրաժարվելու համար, գրում է ՏԱՍՍ-ը։
«Ես հաճախ եմ Զելենսկիին ասել, որ դադարեցնի Օլաֆ Շոլցին քննադատելը, քանի որ կարծում եմ, որ դա անարդարացի է», - ասել է Ռյուտեն DPA-ին տված հարցազրույցում: Նա հիշեցրել է, որ Գերմանիան ԱՄՆ-ից հետո երկրորդ ամենամեծ երկիրն է Կիևին տրամադրվող ռազմական օգնության առումով, որը ծախսել է «28 միլիարդ եվրո, իսկ որոշ գնահատականներով՝ նույնիսկ 34 միլիարդ եվրո»։ Այս առումով, ըստ գլխավոր քարտուղարի, Ուկրաինայի իշխանությունները պետք է երախտապարտ լինեն Շոլցին։
Միաժամանակ Ռյուտեն ասել է, որ, ի տարբերություն կանցլերի, ինքը որոշում է կայացրել «Տավրուս» հրթիռների փոխանցման օգտին և չէր պատրաստվում սահմանափակել Կիևին դրանց կիրառումը։
«Ընդհանուր առմամբ, մենք գիտենք, որ նման հնարավորությունները շատ կարևոր են Ուկրաինայի համար», փաստարկել է նա, բայց ավելացրել, որ այս հարցում որոշում կայացնելն իրենը չէ:
Ամենադիտված 
ՀՀ ՊՆ–ն հայտարարություն է տարածել
