Աջակցում ենք Սիրիային․ Հորդանանի փոխվարչապետ
Աշխարհ
Հորդանանը և արաբական մյուս երկրները կաջակցեն Սիրիային հետպատերազմյան տնտեսական վերականգնման գործում՝ առանց որևէ միջամտության նրա ներքին գործերին։ Այս մասին հայտարարել է Թագավորության փոխվարչապետ և արտաքին գործերի նախարար Այման աս-Սաֆադին Սիրիայում իշխանության եկած զինված խմբավորումների առաջնորդ Ահմեդ ալ-Շարաայի հետ Դամասկոսում կայացած բանակցություններից հետո, գրում է Euromedia24-ը։
«Մենք աջակցում ենք Սիրիայում անցումային քաղաքական գործընթացին և նոր սահմանադրության մշակմանը»,- ընդգծել է փոխվարչապետը, որի խոսքերը մեջբերում է Al Mamlaka հեռուստաալիքը։
Նա հույս է հայտնել, որ Սիրիայում կձևավորվի ներառական կառավարություն, որը կներկայացնի երկրի բոլոր հավատքները։
«Մենք ցանկանում ենք, որ բոլոր սիրիացիներն իրենց ապահով զգան և ունենան հավասար իրավունքներ», - ասել է Աս-Սաֆադին:
Նա բանակցություններն անվանել է անկեղծ և կառուցողական՝ նշելով, որ «ալ-Շարաան գիտակցում է հորդանանա-սիրիական համագործակցության կարևորությունը»:
«Մենք քննարկել ենք երկկողմ առևտրի հաստատման, սահմանների անվտանգության, Սիրիային էլեկտրաէներգիայի մատակարարմանն օժանդակելու և փախստականների վերադարձի հարցը»,- ասել է նա։
Ամենադիտված 
ՀՀ ՊՆ–ն հայտարարություն է տարածել
