Գերմանիայում վրաերթի ենթարկած տղամարդու մեքենայում կտակ է հայտնաբերվել․ Der Spiegel

Մագդեբուրգի Սուրբ Ծննդյան տոնավաճառի այցելուներին վրաերթի ենթարկած տղամարդու մեքենայում կտակ է հայտնաբերվել։ Այս մասին հայտնում է Der Spiegel-ը։

Փաստաթղթում ասվում էր, որ մահից հետո նրա ակտիվները պետք է անցնեն գերմանական Կարմիր խաչին։ Հարձակվողը հավանաբար չի ցանկացել ողջ մնալ հարձակումից։ Սակայն, ըստ հրապարակման, կտակում քաղաքական ուղերձներ չեն եղել։

Ինչպես ավելի վաղ հայտնել ենք, Գերմանիայում դեկտեմբերի 21-ին ավտոմեքենան մխրճվել էր սուրբծննդյան տոնավաճառի մեջ։ Պատահարի հետևանքով՝ 11 մարդ զոհվել էր, 80-ը՝ վիրավորվել։ Ըստ նախնական վարկածի՝ կատարվածը դիտավորություն է եղել։