Ռուսաստանը Վրաստանից ռեկորդային թվով մանդարին է գնել

Նոյեմբերին Ռուսաստանը մեկ քառորդով ավելացրել է Վրաստանից մանդարինի գնումները՝ մինչև 6,9 հազար տոննա, ինչը ռեկորդային է այս ամսվա համար, գրում է РИА Новости-ն։

Ինչպես պարզաբանում է գործակալությունը, աշնան վերջին Ռուսաստանը մեծացրել է վրացական մանդարինի գնումները մինչև 6,9 հազար տոննա՝ նախորդ տարվա 5,5 հազար տոննայի դիմաց։ Սա նոյեմբեր ամսվա առաքումների առավելագույն ծավալն է վերջին 10 տարիների ընթացքում:

Ուսումնասիրությունը ցույց է տվել, որ ռուսաստանցիների ավելի քան մեկ երրորդը՝ 36%-ը, նախատեսում է Ամանորի սեղանին դնել խանութներից պատրաստի աղցաններ և խորտիկներ։

Ամանորյա սեղանն ինքնուրույն պատրաստելուց հրաժարվելու հիմնական պատճառը ժամանակի սղությունն է։ Այսպիսի պատասխան են տվել հարցվածների 68%-ը։ Հարցվածների ևս 18%-ը տոնական սեղան պլանավորելիս՝ պատրաստի ուտեստներ գնելը սթրեսից ազատվելու միջոց է համարում։