Մեծ Բրիտանիան 10 տարում պաշտպանական ծախսերն ավելացրել է 14%-ով. Times

Միացյալ Թագավորության պաշտպանական ծախսերն աճել են 14%-ով 2012-2022 թվականներին, սակայն Լոնդոնի աշխարհաքաղաքական մրցակիցներն էլ ավելի են մեծացրել իրենց ռազմական ֆինանսավորումը: Այս մասին հայտնում է Times թերթը։

Նրա տվյալներով՝ Իրանի, Չինաստանի և Ռուսաստանի պաշտպանական ծախսերն այս ընթացքում աճել են համապատասխանաբար 57%, 60% և 34%-ով։

Ինչպես նշում է հրատարակությունը, հոկտեմբերին Մեծ Բրիտանիայի գանձապետարանը հաստատել է 56,9 միլիարդ ֆունտ ստեռլինգ (71,3 միլիարդ դոլար) հատկացնել հաջորդ տարվա համար ռազմական կարիքների համար, ինչը Ռուսաստանի Դաշնության ցուցանիշի կեսն է: