«Մերձավոր Արևելքում քաոսի և բռնության նոր շրջան է սկսվելու»․ Նիմյուլեր

Սիրիայում իշխանափոխությունը նշանավորեց «Մերձավոր Արևելքում քաոսի և բռնության նոր շրջանի» սկիզբը։ Այս կարծիքը ՏԱՍՍ-ին տված հարցազրույցում հայտնել է անկախ լրագրող Յոստ Նիմյուլերը։

«Իսլամական նոր կառավարության հետ սիրիական պետությունը շատ թույլ է թվում, ինչը նոր հնարավորություն է տալիս այնպիսի ուժերի, ինչպիսին ԴԱԻՇ-ն է», նշել է նա։

Ըստ Նիմյուլերի՝ Մերձավոր Արևելքում Սիրիայում իշխանափոխությունից գլխավոր շահողը Իսրայելն է, իսկ հիմնական պարտվողը՝ Իրանը։ Իրավիճակից կարող է օգուտ քաղել նաև Թուրքիան նախագահ Ռեջեփ Թայիփ Էրդողանի ղեկավարությամբ, որը պահպանում է Օսմանյան կայսրությունը վերակենդանացնելու երազանքները, հավելել է փորձագետը։

«Խնդիրն այն է, որ Թուրքիան նույնպես համեմատաբար թույլ է, ուստի սա կարող է անվերջ պատերազմ սկսել Թուրքիայի և քրդերի միջև», հայտնել է Նիմյուլերը: