Իսրայելի ռմբակոծությունների եւ օդային հարվածների հետեւանքով մոտ 40 պաղեստինցի է զոհվել․ ՏԱՍՍ

Գազայի հատվածի շրջափակման մեջ գտնվող տարբեր շրջաններում վերջին 24 ժամվա ընթացքում Իսրայելի ռմբակոծությունների եւ օդային հարվածների հետեւանքով մոտ 40 պաղեստինցի է զոհվել։ Այս տվյալները ներկայացրել է անկլավի առողջապահության նախարարությունը, հայտնում է ՏԱՍՍ-ը։

Նրա տվյալներով՝ «վերջին 24 ժամվա ընթացքում իսրայելական բանակի ագրեսիայի արդյունքում այդ հատվածում զոհվել է 38, վիրավորվել՝ 137 մարդ»։

Առողջապահության նախարարությունը նշել է, որ Իսրայելի ռազմական գործողության սկզբից մինչ օրս «Գազայում զոհերի թիվը կազմել է 45.399, նույն ժամանակահատվածում տուժել է 107.940 մարդ»։