Ռուսաստանում անցանկալի գտնվող օտարերկրացի երեխաների ծնողները նույնպես նման կարգավիճակ կստանան

Նույն կարգավիճակը կստանան այն օտարերկրացիները, որոնց երեխաները ճանաչվել են որպես Ռուսաստանի անցանկալի բնակիչներ։ Ներքին գործերի նախարարության համապատասխան հրամանը հրապարակվել է իրավական տեղեկատվության պաշտոնական ինտերնետային պորտալում։

«Российская газета»-ն հիշեցրել է, որ ըստ գործող օրենսդրության՝ Ռուսաստանում օտարերկրացու մնալը մի շարք դեպքերում կարող է անցանկալի համարվել: Խոսքը, մասնավորապես, երկիր մուտք գործելիս խախտումների, կեցության իրավունքը հաստատող փաստաթղթերի բացակայության կամ կորստի, սահմանված ժամկետից հետո Ռուսաստանի Դաշնությունից չհեռանալու մասին է։

Բացի դրանից, նման որոշում կարող է ընդունվել, եթե օտարերկրացին իսկապես սպառնում է Ռուսաստանի պաշտպանունակությանը կամ անվտանգությանը, ինչպես նաև հասարակական կարգին կամ հանրային առողջությանը։