Տոկաևը հայտնել է՝ ինչ փուլում է ադրբեջանական ինքնաթիռի վթարի հետաքննությունը

Ղազախստանի նախագահ Կասիմ-Ժոմարտ Տոկաևը ղազախական «Անա Թիլի» թերթին տված հարցազրույցում ասել է, որ կառավարական հանձնաժողովը, որը հետաքննում է ինքնաթիռի վթարը, ուղարկել է Բրազիլիա, հաղորդում է ՌԻԱ Նովոստին.

«Ստեղծվել է կառավարական հանձնաժողով՝ ինքնաթիռի կործանման պատճառները հետաքննելու համար: Բացի այդ, հրավիրվել է 17 միջազգային փորձագետ: Կառավարական հանձնաժողովը որոշել է թռիչքի ձայնագրիչները ուղարկել Բրազիլիա, որտեղ արտադրվել է օդանավը: Վստահ եմ, որ սա միակ ճիշտ որոշումն է հետաքննության օբյեկտիվությունն ու անաչառությունն ապահովելու համար»,- ասել է Տոկաևը։

Ադրբեջանական ավիաուղիների Embraer 190 ինքնաթիռը, որը թռչում էր Բաքվից Գրոզնի, դեկտեմբերի 25-ի առավոտյան վթարի է ենթարկվել Ղազախստանի արևմտյան Ակտաու քաղաքի մոտ։ Ավիաընկերության տվյալներով՝ ինքնաթիռում եղել է 62 ուղևոր և անձնակազմի հինգ անդամ։ Ղազախստանի արտակարգ իրավիճակների նախարարության տվյալներով՝ ողջ է մնացել 29 մարդ։