Ֆրանսիայի բանտում պատանդներից մեկին ազատ են արձակել

Ֆրանսիայի հարավում գտնվող Առլ քաղաքի բանտում պահվող հինգ պատանդներից մեկն ազատ է արձակվել։ Այս մասին հայտնում է BFMTV-ն։

Նշվում է, որ խոսքը բուժաշխատողի մասին է։

«Այս պահին մեկ բուժաշխատող ազատ է արձակվել»,- ասվում է հաղորդագրության մեջ։

Դեպքի վայրում են ոստիկանության և ԱԻ արձագանքման խմբերը։

Ուրբաթ օրը՝ հունվարի 3-ի ցերեկը Ֆրանսիայի հարավում գտնվող Առլ քաղաքի բանտում զենքով զինված բանտարկյալը պատանդ է վերցրել բանտի բժշկական ծառայության մի քանի աշխատակիցների և պահակին։ Աղբյուրները պնդում են նաև, որ բանտարկյալը հոգեկան խնդիրներ ունի։

1990-ականներին բացված Արլ բանտը ունի 159 բանտարկյալի տարողունակություն։ Այժմ այնտեղ պատիժ է կրում 137 մարդ։