Գերմանացի դահուկորդուհին իր հաղթանակի համար որպես մրցանակ՝ շամպուն է ստացել

Դահուկային ցատկի աշխարհի չեմպիոն, գերմանացի մարզուհի Սելինա Ֆրեյթագը անցել է Գարմիշ-Պարտենկիրխենում անցկացվող որակավորումը։

Ինչպես հայտնում է BR24-ը, որպես մրցանակ մարզիկին տրվել է հիգիենայի հավաքածու՝ բաղկացած ցնցուղի գելից, շամպունից և չորս սրբիչից։ Միևնույն ժամանակ, այս մրցաշարի տղամարդիկ մրցանակային գումարներ են ստացել 3,2 հազար եվրոյի չափով:

«Ես իսկապես կցանկանայի, որ ստիպված չլինեի դա անել։ Ես չափազանց շատ եմ բողոքում, բայց դուք ինքներդ կարող եք տեսնել տարբերությունը», - ասել է Ֆրեյթագը:

Դահուկների և սնոուբորդի միջազգային ֆեդերացիայի (FIS) մրցավազքի տնօրեն Սանդրո Պերտիլեն, մեկնաբանելով միջադեպը, ասել է, որ FIS-ը տեղյակ է անհավասարության մասին և ցանկանում է վերացնել այն։