Տիբեթի երկրաշարժից հետո սեյսմոլոգները գրանցել են 515 հետցնցում

Սեյսմոլոգները 515 հետցնցում են գրանցել 6,8 մագնիտուդով երկրաշարժից հետո, որը տեղի է ունեցել Չինաստանի հարավ-արևմտյան Տիբեթի ինքնավար մարզում, հայտնել է Չինաստանի սեյսմոլոգիական կենտրոնը, փոխանցում է Ria Novosti-ն։

«Հունվարի 8-ի ժամը 8:00-ի դրությամբ գրանցվել է ընդհանուր առմամբ 515 հետցնցում, այդ թվում՝ 488 հետցնցում՝ 3,0 մագնիտուդից ցածր, 27 հետցնցում 3,0 և ավելի մագնիտուդով, մասնավորապես՝ 24-ը՝ մագնիտուդով 3.0-ից մինչև 3.9 և երեքը՝ 4.0-ից 4.9 մագնիտուդով»,- նշված է նյութում։

Առավելագույն 4,4 մագնիտուդ ուժգնությամբ հետցնցումը գրանցվել է հիմնական ցնցման էպիկենտրոնից մոտավորապես 18 կիլոմետր հեռավորության վրա: