Ուկրաինայի զինված ուժերը գյուղատնտեսական անօդաչու թռչող սարքերը վերածում են ռազմականի․ ԶԼՄ

Ուկրաինայի Զինված ուժերը սկսել են ավելի ու ավելի շատ օգտագործել գյուղատնտեսական անօդաչու թռչող սարքեր, որոնք փոխակերպվել են ռազմական նպատակների համար Խարկովի մարզի Վովչանսկի և Լիպտսի շրջանում մարտերի ժամանակ: Այս մասին հայտնում է ՏԱՍՍ-ը։

Անօդաչու թռչող սարքերը արդիականացնելիս՝ ուկրաինացի մասնագետները դրանք վերազինում են կառավարման և կապի ժամանակակից սարքավորումներով։ Խոսքը տեխնիկայի մասին է, որը գործնականում անձեռնմխելի է ՌԴ զինված ուժերի էլեկտրոնային պատերազմի համակարգերի ազդեցությունից։

Բացի այդ, դրոնները հագեցված են ավելի արդյունավետ օպտիկայով։ Գործակալության աղբյուրը պարզաբանել է, որ համապատասխան սարքերը ունակ են աշխատել տարբեր տիրույթներում։

«Ուկրաինական զինված ուժերը հիմնականում բարելավված «Բաբա Յագա» ԱԹՍ-ները օգտագործում են գիշերը»,- հավելել է Մարոչկոն։