Ուկրաինայում ավելի քան 60 մեղադրանք է առաջադրվել սահմանները անօրինական լքելու համար

Ավելի քան 60 մեղադրանք է առաջադրվել Ուկրաինայից զորակոչիկների անօրինական հեռանալու սխեմաների կազմակերպիչներին և մասնակիցներին։ Այս մասին հայտնել է Ուկրաինայի ոստիկանությունը՝ 22 շրջաններում 600 խուզարկություններից հետո, գրում է ՏԱՍՍ-ը։

Գերատեսչության կայքում հրապարակված տվյալների համաձայն՝ վերացվել են զորակոչիկ տարիքի տղամարդկանց տեղափոխման գրեթե հիսուն ապօրինի սխեմաներ՝ փաստաթղթեր կեղծելու, սահմանը անցակետերից դուրս հատելու և այլ եղանակներով։

Ամբաստանյալների թվում են զինկոմիսարիատների, ռազմաբժշկական հանձնաժողովների և բժշկասոցիալական փորձաքննության աշխատակիցներ, ինչպես նաև տարբեր մակարդակների հոսպիտալների ղեկավարներ։

Մեղավոր ճանաչվելու դեպքում մեղադրյալին սպառնում է մինչև ինը տարվա ազատազրկում՝ գույքի բռնագրավմամբ։