Բելգիայում զանգվածային գործադուլ է սկսվել

Բելգիայում սկսվել է համընդհանուր գործադուլ՝ ընդդեմ 3 միլիարդ եվրոյի կենսաթոշակների և սոցիալական նպաստների կրճատման: Բողոքի ակցիան տևելու է 24 ժամ, հայտնել են թագավորության երեք խոշորագույն արհմիությունները, գրում է ՏԱՍՍ-ը։

Գործադուլին արդեն միացել են ուսուցիչները, հասարակական տրանսպորտի, երկաթուղու և օդանավակայանի աշխատակիցները, ներառյալ անվտանգության աշխատակիցներն ու բեռնակիրները, ինչպես նաև բանտի պահակները, փոստատարները, հրշեջները և կոմունալ ծառայությունների աշխատակիցները։

RTBF հեռուստաալիքի տվյալներով՝ հասարակական տրանսպորտը գործնականում չի գործելու, յուրաքանչյուր երեք միջքաղաքային գնացքներից և ավտոբուսներից գործելու է միայն մեկը, իսկ չվերթների մոտ 70%-ը չեղարկվել է։

Թագավորության ոստիկանությունը խորհուրդ է տվել մեքենա վարել Բրյուսելում, քանի որ քաղաքում մեծ խցանումներ են սպասվում:

Բացի այդ, քաղաքի կենտրոնը փակ է լինելու բողոքի ցույցի համար, որին արհմիությունների գնահատմամբ մասնակցելու է 50,000-ից 100,000 մարդ: Ցույցը թույլատրվել է քաղաքային իշխանությունների կողմից։