Շվեդիայի թագավորական պալատի պահակը գլխով հարվածել է սվինին և վիրավորվել
Աշխարհ
Ստոկհոլմի թագավորական պալատի պահակը հերթապահության ժամանակ սայթաքել է և վիրավորվել։ Ինչպես հայտնում է Aftonbladet թերթը, տղամարդը գլխով հարվածել է ինքնաձիգի սվինին։
Երբ շտապօգնության մեքենան ժամանել է դեպքի վայր, սվինը դեռևս եղել է զինծառայողի գլխում, և իրավիճակը համարվել է կյանքին վտանգ սպառնացող։ Պահակը տեղափոխվել է հիվանդանոց և վիրահատությունից հետո նրա վիճակը կայունացել է։
Զինված ուժերի ներկայացուցիչների խոսքով՝ սա դժբախտ պատահար էր։ «Նա սայթաքեց, դա դժբախտ անկում էր»,- ասել է Զինված ուժերի ներկայացուցիչ Բյորն Լինդուլը։
Ոստիկանությունը հետաքննում է դեպքը, հանցագործություն կատարելու մեջ ոչ ոք չի կասկածվում։
Վերջին օրերին Շվեդիայի մայրաքաղաքում ջերմաստիճանային տատանումների պատճառով շատ մայթեր ծածկված են սառույցով:
Ամենադիտված 
Ալիևը վերահաստատել է՝ Թուրքիայի հետ միասին չեն պատրաստվում հանդուրժել ՀՀ-ի գոյությունը որպես պետություն. թյուրքագետ
