Իրան-Ռուսաստան գործընկերության համաձայնագիրը պարունակում է 47 հոդված. դեսպան
Աշխարհ
Մոսկվայի և Թեհրանի միջև համապարփակ ռազմավարական գործընկերության մասին համաձայնագիրը ներառում է երկկողմ համագործակցության բոլոր ոլորտները, ասել է Ռուսաստանում Իրանի դեսպան Քազեմ Ջալալին։ Նրա խոսքով՝ փաստաթուղթը ներառում է 47 հոդված։
«Մենք նախագիծը պատրաստել ենք և այն հանձնել ռուսական կողմին։ Այն տևեց մոտ երկուսուկես-երեք տարի, եղան բազմաթիվ հանդիպումներ և քննարկումներ, արվեցին բազմաթիվ փոփոխություններ, մինչև վերջապես համաձայնություն ձեռք բերվեց»,- ասել է դիվանագետը իրանական IRNA լրատվական գործակալությանը տված հարցազրույցում։
Իրանի նախագահ Մասուդ Փեզեշքիանը հունվարի 17-ին կայցելի Մոսկվա՝ ստորագրելու Համապարփակ ռազմավարական գործընկերության համաձայնագիրը և բանակցություններ վարելու Վլադիմիր Պուտինի հետ։ Համաձայնագրի մշակման գործընթացը սկսվել է դեռևս 2014 թվականին։
Ինչպես հայտնել է իրանական դիվանագիտական աղբյուրը, համաձայնագրի կարևոր մասը կլինի առևտրատնտեսական և էներգետիկ համագործակցությունը, ինչպես նաև «գործընկերությունը պաշտպանության և անվտանգության հետ կապված հարցերում»:
Ամենադիտված 
Ալիևը վերահաստատել է՝ Թուրքիայի հետ միասին չեն պատրաստվում հանդուրժել ՀՀ-ի գոյությունը որպես պետություն. թյուրքագետ
