Թայվանը հայտնում է 10 չինական ինքնաթիռների մոտեցման մասին

Թայվանի զինված ուժերը հայտնաբերել են կղզուն մոտեցող 10 ռազմական ինքնաթիռ և Չինաստանի Ժողովրդա-ազատագրական բանակի (PLA) չորս նավ։ Այս մասին X սոցիալական ցանցում հայտնել է Թայվանի պաշտպանության նախարարությունը, փոխանցում է Gazeta ru-ն։

Չինական հինգ ինքնաթիռներ հատել են միջին գիծը Թայվանի նեղուցով, որը բաժանում է Թայվանն ու մայրցամաքային Չինաստանը, հայտնել է պաշտպանության նախարարությունը։

«Առավոտյան ժամը 6-ին մենք տեսանք 10 ինքնաթիռ և չորս նավատորմի նավեր, որոնք գործում էին Թայվանի մոտ»,- հայտնել են գերատեսչությունից:

Նշվում է, որ հինգ ինքնաթիռ հատել է միջին գիծը և մտել Թայվանի օդային տարածք հյուսիսային, հարավ-արևմտյան և արևելյան ՀՕՊ գոտիներում։