Միջուկային զենքի ստեղծումը «պատմական ընտրություն» է Չինաստանի համար․ Չինաստանի ԱԳՆ պաշտոնական ներկայացուցիչ

Միջուկային զենքի մշակումը պետք է դիտվի որպես Չինաստանի պատմական ընտրություն՝ ի պատասխան միջուկային սպառնալիքի, որից երկիրը երբեք կանխարգելիչ հարված չի հասցնի: Այս մասին հայտարարել է Չինաստանի ԱԳՆ պաշտոնական ներկայացուցիչ Գու Ցզյակունը, գրում է ՏԱՍՍ-ը։

«Միջուկային զենքի տեխնոլոգիայի մշակումը պատմական ընտրություն է, որը Չինաստանը ստիպված է եղել կատարել պատմության հատուկ ժամանակահատվածում՝ միջուկային սպառնալիքին արձագանքելու, միջուկային մենաշնորհը կոտրելու և միջուկային պատերազմը կանխելու համար», - ընդգծել է նա ճեպազրույցի ժամանակ՝ մեկնաբանելով ազգային միջուկային ծրագրի 70-ամյակը։

Չինացի դիվանագետը նշել է, որ Պեկինը վարում է մեծ տերության պատասխանատու քաղաքականություն և ընթանում է զարգացման խաղաղ ճանապարհով՝ բոլոր երկրների հետ բարեկամության և համագործակցության ձգտում։

«Մենք հավատարիմ ենք միջուկային զենքի առաջին չօգտագործման քաղաքականությանը, հետևում ենք ինքնապաշտպանության ռազմավարությանը, միշտ մեր միջուկային ուժերը պահում ենք ազգային անվտանգության ապահովման համար անհրաժեշտ ամենացածր մակարդակի վրա և ձեռնպահ ենք մնում որևէ երկրի հետ սպառազինությունների մրցավազքից», եզրափակել է Գու Ցզյակուն։