Հութիները հայտարարել են, որ կդադարեն հրետակոծել Իսրայելը

Եմենի հութիները հայտարարել են, որ դադարեցնում են Իսրայելի տարածքի հրթիռակոծումը, հայտնում է Yedioth Ahronoth-ը։

Խմբավորման խոսնակն ասել է, որ այն կհետևի Իսրայելի և ՀԱՄԱՍ-ի միջև հրադադարի համաձայնագրին: Իսրայելի տարածքի ուղղությամբ արձակումները կդադարեն կիրակի օրը՝ հունվարի 19-ին, երբ համաձայնագրերը պաշտոնապես ուժի մեջ կմտնեն։

Միևնույն ժամանակ, հութիներն ասել են, որ Իսրայելը «շարունակում է սպառնալիք հանդիսանալ տարածաշրջանի կայունության և անվտանգության համար»: