Նիկոլը փորձեց բացել Օվերտոնի պատուհանը՝ կալանքի տանելով ադրբեջաներեն «Ղարաբաղ» երգող այլազգիների տեսանյութը տարածած անձին․ Զոհրաբյան

Փաշինյանի 7 տարվա իշխանավարումը կձևակերպեմ արհավիրքային և խեղճիզմի քաղաքականություն։ Այս մասին այսօր լրագրողների հետ զրույցում ասաց Հասարակական-քաղաքական գործիչ, «Ժողովրդավարություն եւ անվտանգություն» հ/կ նախագահ Նաիրա Զոհրաբյանը։ 

«Իր վերջին գրառումը, որ մեր ներսում գուցե ցեղասպանության մեխանիկական կոդեր են դրված, այսինքն փորձում է անընդհատ ձևակերպել, որ մենք խեղճ ենք, թույլ ենք, պարտվող ենք և գոյատևելու համար պիտի հանձնվենք, այդ ձևակերպումը շարունակեց նաև տխրահռչակ Սասուն Միքայելյանը, որ մեր դուխը այսօր խելոք մնալն է։ Ի՞նչ է անում Նիկոլը՝ հանձնելով Արցախը, որ մենք ինքնիշխանություն ենք ձեռք բերել, տանելով բայրակթարների տակ մորթելով 5000 ավելի տղաների, որոնց անվանական ամբողջական ցանկը մենք առ այսօր չունենք»,- նշեց նա։

Անդրադառնալով օրեր առաջ հրապարակում ադրբեջաներեն «Ղարաբաղ» երգող այլազգիների տեսանյութը հրապարակած անձին կալանքի տանելու իշխանությունների որոշմանը՝ Զոհրաբյանը նշեց․ «Նիկոլը փորձեց բացել Օվերտոնի պատուհանը՝ կալանքի տանելով 70-ամյա Ղարիբ Բաբայանին։ Փորձեց տեսնել, թե մարդիկ ինչպես կարձագանքեն դրան, բայց մենք տեսանք, որ մարդիկ դուրս եկան և ինքը տեսավ, որ մեզ չի կարող սարքել Ստոկհոլմյան սինդրոմով տառապող կենդանի»,- ասաց Նաիրա Զոհրաբյանը։