ԳՇ շտաբի պետը կնեղսրտե՞ր․․․ Հակոբ Բադալյան

Լավ է արել, որ ներկա է գտնվել, բայց, եթե այդ ներկա գտնվելու եւ այդպիսի միջոցառումները կարեւորելու մասին լուրը ՊՆ-ն չտարածեր, ԶՈՒ ԳՇ շտաբի պետը կնեղսրտե՞ր, կհամարեր, որ իր գործունեությունը գերատեսչությունը չի՞ լուսաբանվել հավուր պատշաճի:

Թեեւ, հնարավոր է, որ նեղսրտեր, համարելով օրինակ, որ գերատեսչական «գծով» կարող է տարածվել տեղեկությունը պաշտպանության նախարարի պապիկի մահվան մասին, իսկ ԳՇ պետի՝ գիտագործնական կոնֆերանսի մասին տեղեկությունը՝ ոչ:

 

Ընկերներ, այս հարցերը թվում են մանր, աննշան, երրորդական կամ տասներորդական, բայց իրականում այդ ամենն արտացոլում է այն մտածողությունը, որ առկա է պետական կառավարման տիրույթում, մասշտաբի ընկալման գիտակցական ու ենթագիտակցական խնդիրները:

Այյդ ընկալումը պետական վերնախավերի կարեւոր հատկանիշ ու առանձնահատկություն է, առանցքային ցուցիչ: Դրա առնչությամբ չկան երրորդական կամ տասներորդական հարցեր, կա պարզապես մտածողության համապարփակ կառուցվածք:

 

Օրինակ, չի կարող քաղաքաշինության վարպետը թույլ տալ շենքի աղավաղում թեկուզ մեկ կիսապատուհանով անգամ, չի կարոող թույլ տալ:

Այդտեղ է վերնախավերի առանձնահատկությունը, այդ դաշտում է վերնախավը տարբերվում պարզպես հանրային մտածողության լայն շերտերից:

Այդ տարբերությամբ է, որ վերնախավերը կարող են եւ պետք է մտածողության տրամաչափ հաղորդեն հասարակություններին:

Ահա թե ինչու եմ պարբերաբար ուշադրոության արժանացնում այդպիսի խնդիրներն ու թեմաները: Որովհետեւ, դրանք հենց այն մանրուքներն են, որոնցում, ինչպես կասեն պետականության մասշտաբի «գուրու» բրիտանացիները՝ «սատանան» է:

Իհարկե ոչ այն սատանան, որին գտնելու հանձնարարություն էր ստացել Հայաստանի ԱԱԾ-ն մի քանի տարի առաջ»: