Մինչև 44-օրյա պատերազմը ավելի քիչ բան ենք կորցրել, քան դրանից հետո, երբ ստորագրվել է կապիտուլյացիոն պայմանագիրը․ Միհրան Մախսուդյան

Մենք մինչև նոյեմբերի 9-ը, պատերազմի 44 օրերի ընթացքում, ավելի քիչ բան ենք կորցրել, քան նոյեմբերի 9-ից հետո, երբ ստորագրվել է կապիտուլյացիոն պայմանագիրը: Այս մասին իր ֆեյսբուքյան էջում գրել է Պահեստազորի գնդապետ, «Տավուշը հանուն հայրենիքի» շարժման անդամ Միհրան Մախսուդյանը։

 

«44-օրյա պատերազմում դաժան էր ամեն ինչ, թանկագին զոհեր տվեցինք, տարածքներ կորցրեցինք, բայց կռվում էինք, մտածելով, որ ամեն ինչ հետ կբերենք, այնինչ վաղուց արդեն կանխորոշված էր մեր ճակատագիրը։

Երբ պայքարի ոգին կորչում է, համաձայնվում ես ամեն ինչի հետ։ Թշնամին ուզում է մենք բանակ չունենանք,մենք կործանում ենք բանակը, քանդում ենք, վարկաբեկում ենք, կադրային ջարդ ենք կազմակերպում, նշանակում ենք ոչ բանիմաց կադրեր։ Այստեղից հետևություն, որ սրանց համար ոչինչ կարևոր չէ, կարևորը տարածքներ զիջելն ու գեներալի ուսադիրներ ստանալն է։