Ինչո՞ւ չի բարեկարգվում, երբ միլիարդավոր դրամների հատկացումներ կան․ Արշակ Սարգսյան

Երևանի ավագանու «Մայր Հայաստան» խմբակցության անդամ Արշակ Սարգսյանի ֆեյսբուքյան գրառումը՝ կից լուսանկարներով․ «Շենգավիթ վարչական շրջան, Մանանդյան փողոց․ Նոր բերված, անհիմն թանկացվող ավտոբուսներ և միաժամանակ քանդված ճանապարհներ։

Երևանի քաղաքապետարան, ինչքա՞ն գումար եք ծախսել այս անվադողերը քանդված ասֆալտի մեջ դնելու վրա։

Իսկ իրականում Երևան քաղաքը լի է քանդված ասֆալատով, քանդված դիտահորերով։ Ի վերջո այս ամենը ինչո՞ւ չի բարեկարգվում, երբ միլիարդավոր դրամների հատկացումներ կան բյուջեով։

Ինչո՞ւ անգործության համար պատասխանատվության չեն ենթարկվում»։