Հավատացեք` որևէ անակնկալ չի լինելու. Վանեցյանը` Մարտուն Գրիգորյանի հայտարարության մասին
«Հայրենիք» կուսակցության ղեկավար, ԱԱԾ նախկին տնօրեն Արթուր Վանեցյանը կիսվել է Մարտուն Գրիգորյանի՝ «Սիրելի գյումրեցիներ, վերահաստատում եմ ասածս` ՔՊ-ն Գյումրիում քաղաքապետ չի ունենալու` դա հաստատ է» գրառմամբ և կից գրել․ «Միանշանակ»։
Գրառման մեկնաբանությունների բաժնում՝ պատասխանելով քաղաքական գործիչ Էդգար Ղազարյանին դիտարկմանը՝ Վանեցյանը նշել է․ «Հավատացեք, որևէ անակնկալ չի լինելու»։
Ավելի վաղ Euromedia 24 –ը գրել էր, որ Գյումրիում Մարտուն Գրիգորյանի շտաբում տեղի են ունենում քննարկումներ։
Ըստ Euromedia 24 – ի աղբյուրների՝ քննարկմանը ներկա է նաև Արթուր Վանեցյանը։
Հիշեցնենք, որ երեկ Գյումրիում տեղի ունեցած ՏԻՄ ընտրություններից հետո մարդիկսպասում են Մարտուն Գրիգորյանի որոշմանը՝ եթե միանա Վարդան Ղուկասյանին, կհաղթի ընդդիմությունը, չմիանա՝ ՔՊ-ն։
Հիշեցնենք, որ Մարտուն Գրիգորյանն առաջադրվել է «Մեր քաղաքը» դաշինքով, որը ձեւավորվել է երկու կուսակցության՝ Արթուր Վանեցյանի «Հայրենիք» եւ Երվանդ Թարվերդյանի «Միացյալ Հայաստան» կուսակցությունների դաշինքից։
ՈՒՂԻՂ ԵԹԵՐ
Ամենադիտված 
Պլանային ջրանջատում․ տասնյակ հասցեներում ջուր չի լինի
