Միլիարդավոր դոլարների ծախսեր և աստղային հյուրեր․ ինչ է հայտնի տարվա հարսանիքի մասին

Ամերիկացի միլիարդատեր Ջեֆ Բեզոսն սկսել է հեռուստահաղորդավարուհի Լորեն Սանչեսի հետ հարսանիքի նախապատրաստությունը։ Ակնկալվում է, որ տոնակատարությունը, որին արդեն հրավիրված են աստղերն ու աշխարհի ամենահարուստ մարդիկ, տեղի կունենա հունիսի վերջին Վենետիկում։  

Հունվարին նշելով Բեզոսի տարեդարձը՝ զույգը վերջապես սկսել է պլանավորել հաջորդ միջոցառումը: Մարտին մամուլը հրապարակեց սպասվող հարսանիքի առաջին մանրամասները։

Ըստ անանուն աղբյուրների՝ հարսնացուն ընտրել է Oscar de la Renta ապրանքանիշի զգեստ՝ ականջալուր լինելով Vogue-ի գլխավոր խմբագիր Աննա Վինտուրի խորհրդին։

Լրագրողները պարզել են նաև, որ ԱՄՆ նախագահ Դոնալդ Թրամփից բացի հարսանեկան արարողությանը կմասնակցեն Եվա Լոնգորիան, Քեթի Փերին, Քիմ Քարդաշյանը, Քրիս Ջենները, Ջեսիկա Ալբան, Լեոնարդո դի Կապրիոն, Սալմա Հայեկը, Միրանդա Քերը, Օփրա Ուինֆրին, Ռոբերտ Պատինսոնը, Սուկի Ուոթերհաուսը, Քրիս Ռոքը, Դեբորա-Լի Ֆուրը և այլ հայտնիներ։

Բացի աստղերից, հյուրերի ցուցակում կլինեն նաև միլիարդատերեր, այդ թվում՝ մեդիամագնատ Բարի Դիլլերը և Microsoft-ի հիմնադիր Բիլ Գեյթսը։ Նշվում է, որ զույգն արդեն հարսանեկան արարողության հրավերներ է ուղարկել։

Ենթադրվում էր, որ աստղային զույգի հարսանիքը տեղի կունենա հունիսի վերջին՝ փեսային պատկանող զբոսանավում՝ «Կորու»-ում։ Աղբյուրները նույնիսկ հայտնել են, որ նավը, իբր, երկար ժամանակ խարսխված է եղել Վենետիկյան ծովածոցում։

Վենետիկի քաղաքապետ Լուիջի Բրյունարոն ի վերջո հաստատել է այն լուրերը, որ հարսանիքը տեղի է ունենալու հայտնի քաղաքում՝ չհայտնելով ստույգ վայրը։ Նրա խոսքով՝ զույգի հյուրերի ցանկում 200 հոգի է։

Դեռ2023 թվականի մայիսին Ջեֆ Բեզոսը լրագրող Լորեն Սանչեսին ամուսնության առաջարկ արեց սեփական «Կորու» զբոսանավով, որը գնահատվում է մոտ 500 միլիոն դոլար։

Amazon-ի հիմնադիրն իր սիրելիին նվիրել է 20 կարատանոց վարդագույն ադամանդով մատանի։